Dzongkha Labthang
རྫོང་ཁ་སླབ་ཐངས་ཀྱི་དཔེ་དེབ།
རྫོང་ཁ་སླབ་ཐངས་སྡེ་ཚན་གྱིས་ བརྩམས་བསྒྲིགས་འབད་ཡོད་པའི་དཔེ་དེབ་འདི་ ཡོངས་འབྲེལ་འཆར་སྒོའི་ནང་བཙུགས་ཏེ་ཡོདཔ་ལས་ ཐུགས་མཁོ་ཡོད་མི་ཚུ་གིས་ཕབ་ལེན་འབད་དེ་བཞེས་གནང་།
སྔར་སྲོལ་རྫོང་ཁའི་ངག་རྒྱུན་དཔེ་དེབ་འདི་ ཁ་ཕྱེ་སྟེ་གཟིགས་གནང་།
དར་ཁྱབ་གཏང་དགོ་པའི་མིང་ཚིག
བཀའ་གསལ་སྤྲིངས།
དར་ཁྱབ་གཏང་དགོ་པའི་མིང་ཚིག།
བཀའ་གསལ་སྤྲིངས། ཁ་སངས་ཧིང་སངས། མགུ་ལས་མཇུག་དག། མགུ་ན་པ་དྲག། བརྗེད་དོགས་སེལ། དུ་རུམ། ཐལ་ལུས་ཤོར། མཐོ་མེད་ཚད་མེད། བབ་ཏོག་ཆུང་མས། བྱིས་ཉག་ཀ། སྦྱངམ་ལཱར་རྐྱབ། མལ་ཆ་གདན་སྐོར་རྐྱབ། ཡང་ན་ཡེངས་ན། ཧོག་ཀེམ་གཡབ། བཞི་ཀྲུམ་ཤོར།
ལྟག་ལུ་བྲིས་ཏེ་ཡོད་མ་ིཚུ་ ཡིག་སྡེབ་ཐག་བཅད་མེནམ་ལས་ ནཱ་གི་ཐུགས་བཞེད་ལས་འབད་བ་ཅིན་ ག་དེ་སྦེ་དྲག་པས།
དྲགཔ་དྲགཔ་མཁས་པའི་ལཱ་སྐོར་མཇུག་བསྡུ་ཡོདཔ།
༉ རྫོང་ཁ་སླབ་ཐངས་གྲོས་སྟོན་གྱིས་ མི་སྡེ་་བརྡ་བརྒྱུད་ཊེ་ལི་གྷ་རམ་ནང་སྦེ་ ལོ་ངོ་གཅིག་གི་རིང་ དྲགཔ་དྲགཔ་མཁས་པའི་ལཱ་སྐོར་བསྒྲིགས་མི་འདི་མཇུག་བསྡུ་ད་ཡི། དེ་ཡང་ཨ་རྟག་ར་གཟའ་ཟླཝ་ལུ་ དུས་ཡུན་ཆུ་ཚོད་༡ གི་རིང་ལུ་ འགོ་འདྲེན་འཐབ་ཡོདཔ་མ་ཚད། དོན་ཚན་ཅི་རིགས་སྣ་ཚོགས་ཀྱི་ཐོག་ལུ་ རང་སོའི་བློ་རིག་མཁས་ཧིང་ལུ་གཞི་བཞག་སྟེ་ གསོལ་ར་བྱིན་ཡོདཔ་ཨིན།
ཟླ་རིམ་གྱི་དྲགཔ་དྲགཔ་མཁས་པའི་མིང་གཏམ་ཐོབ་མི་ལུ་ འབྲུག་བརྒྱུད་འཕྲིན་གྱིས་ གསོལ་ར་གནང་སྟེ་ཡོདཔ་མ་ཚད། ཤེས་ལྕོགས་མཁསཔ་ལུ་ ཐིམ་ཕུག་ཚོད་བསྲེ་ཁྲོམ་ཁར་ཡོད་པའི་ ནོར་བུ་སྒང་ཚོང་ཁང་གིས་གསོལ་ར་གནང་སྟེ་ཡོད་མི་ལུ་ འགོ་འདྲེན་འཐབ་མི་གིས་ བཀའ་དྲིན་དགའ་ཚོར་ཞུཝ་ཨིན།
དེ་ཡང་གཙོ་བོ་ར་ སློབ་ཕྲུག་ཚུ་གིས་ འབྲུག་གི་སྔར་སྲོལ་ལམ་ལུགས་དང་། རྒྱལ་ཡོངས་སྐད་ཡིག་ལུ་ དང་འདོད་བསྐྱེད་བཅུག་ནིའི་དོན་ལུ་འགོ་འདྲེན་འཐབ་ཡོདཔ་ཨིན།།
གསོལ་ར་ཐོབ་མི་ལ་ལུ་ཅིག་ ས་ཐག་རིང་སར་ཨིན་ནི་འདི་གིས་ གསོལ་ར་བསྐྱལ་བཏང་ཡོད་རུང་ སྤར་བཏབ་མ་ཚུགས།
1 བཙན་སྐྱོགས། དགེ་ལེགས་ཕུག
2 ཉི་མ་དབང་མོ་ཚེ་རིང་། དགེ་ལེགས་ཕུག་སློབ་གྲྭ་ཆུང་བ།
3 ཚེ་རིང་རྡོ་རྗེ། བཀྲ་ཤིས་གཡང་རྩེ་རམ་འཇར་སློབ་གྲྭ།
4 རྟ་མགྲིན་དཔལ་འབྱོར། ཀྲོང་གསར་ དཀར་གཞོང་།
5 སྐུམ་བུ་སྒྲོལ་མ། དབང་འདུས།
6 བདེ་ཆེན་མཚོ་མོ།
7 ཨོ་རྒྱན་ཚེ་རིང་། དབང་འདུས་བ་ཇོ།
8 དབང་འདུས་ཕུན་ཚོགས། ཝམ་རོང་བཀྲ་ཤིས་རྩེ་སློབ་གྲྭ།
9 བཀྲ་ཤིས་ཀུན་བཟང་ཆོས་སྒྲོན། བཀྲ་ཤིས་སྒང་གདུང་རྩེ་སློབ་གྲྭ།
10 སངས་རྒྱས་རྡོ་རྗེ། རྩི་རང་སློབ་གྲྭ།
11 ཡེ་ཤེས་ནོར་བུ། བཀྲ་ཤིས་གཡང་རྩེ།
དར་ཁྱབ་གཏང་དགོ་པའི་དཔྱེ་གཏམ།
རྫོང་ཁ་སླབ་ཐངས་གྲོས་སྟོན་ཞབས་ཏོག་གིས་འགོ་འདྲེན་འཐབ་མི་ དྲགཔ་དྲགཔ་མཁས་པའི་སྡེ་ཚན་གྱི་འཐུས་མི་ཚུ་གིས་ དམངས་ཁར་ཕུལ་མི་དཔྱེ་གཏམ་གྱི་རིགས།
སྤྱི་ལོ་༢༠༢༣སྤྱི་ཟླ་༧པའི་ཚེས་༨་ལུ་ སློབ་དཔོན་ཨོ་རྒྱན་རྡོ་རྗེ་གིས། གྲོས་འགོ་གཏེར་སྒོ་ཕྱེ་ཕྱེ། །གྲོས་མཇུག་གྲུ་གུ་དྲིལ་དྲིལ། ། ཟེར་བའི་དཔྱེ་གཏམ་འདི་གྲོས་བསྟུན་འབད་བའི་སྐབས་སུ་བློ་སླབ་ཐང་གི་དཔེ་ཞག་ས་ཅིག་ཨིན་ཟུམ་གིག་འདུག་ལགས།
ལ་མགོ་ཡོད་རུང་མེདཔ་བཟུམ་སྦེ་སླབ་པའི་སྐྱོན།
ཡིགུ་ལྷག་པའི་སྐབས་དང་ བློ་སླབ་པའི་ནམ་དུས་ལུ་ ལ་མགོ་ཡོད་རུང་མེདཔ་སྦེ་ལྷག་ནི་དང་སླབ་ནི་འདི་གིས་ རྗོད་སྒྲ་ཕྱེ་དག་སྦེ་ཐོན་མི་འདི་ མང་ཤོས་ཅིག་རང་སོའི་གཡུས་ཀྱི་སྤྱོ་ཨིན་རུང་ སེམས་ཁར་བཀལ་ཏེ་མ་ལྷབ་དང་མ་སླབ་པའི་སྐྱོན་ཨིན་མས། ནི་ཚུ་ཆ་མཉམ་ཡིགུ་ཐོག་ལུ་བཀོད་དགོ་པ་ཅིན་ཐང་མེདཔ་ཅིག་འདུག། ཨིན་རུང་དཔྱེ་བཟུམ་ཅིག་སྦེ་གྱངས་ཅན་ཅིག་འོག་ལུ་བཀོད་དེ་ཡོད།
རྫོང་ཁའི་ནང་ཡོངས་འབྲེལ་འཆར་སྒོ་བཟོ་དགོཔ་འདུག་ག།
རྒྱལ་ཁབ་ཀྱི་གོང་འཕེལ་དང་བསྟུན་ཏེ་ ད་རེས་ནངས་པ་ ཨིང་སྐད་ནང་ཡོངས་འབྲེལ་འཆར་སྒོ་ཐང་མེདཔ་ཅིག་བཟོ་སྟེ་ཡོད་ནི་འདི་གིས་ མི་དམངས་ཀྱིས་ བརྡ་དོན་དང་ཞབས་ཏོག་འཐོབ་ནི་ལུ་ དཀའ་འཚེགས་ག་ནེ་ཡང་མེད་པར་ སྡོདཔ་སྡོད་ས་ར་ འཛམ་གླིང་བསྐོར་རིས་རྐྱབ་ཚུགས་པས།
ནེ་ཅོག་འཐདཔ་སྦེ་ རྫོང་ཁའི་ནང་ཡང་ ཡོངས་འབྲེལ་འཆར་སྒོ་འཇམ་སམ་རེ་བཟོ་སྟེ་ཡོད་པ་ཅིན་ ཨིང་སྐད་མ་པ་ལས་ར་མ་མཁྱེན་མི་ཚུ་ལུ་ ཕན་ཐོགས་འབྱུང་འོང་ཟེར་མནོཝ་མས། གཞུང་གི་ཡིག་ཚང་དང་སྒེར་སྡེ་ལ་ལུ་ཅིག་གིས་ རྫོང་ཁ་དང་ཨིང་སྐད་ཀྱི་ཡོངས་འབྲེལ་འཆར་སྒོ་ ལོགས་སུ་སྦེ་བཟོ་སྟེ་ཡོད་ས་ཅིག་རུང་ ཁ་ཕྱེ་སྟེ་ལྟཝ་ད་ ཁྱལ་གྱིས་ཕོག་ཕོགཔ་བཟུམ་སྦེ་ ཁ་ཡིག་ཅིག་ལས་བརྒལ་ཏེ་ ཨིང་སྐད་ནང་བཟུམ་སྦེ་བྲིས་བྲིསཝ་ དེ་དང་འདི་ཨིན་ཟེརཝ་ཅིག་མིན་འདུག། ཨིན་རུང་ནེ་སྦེ་བྲིས་ཏེ་ཡོད་མི་འདི་ དྲག་པའི་གྲངས་སུ་སྦེ་བརྩི་དགོ་པས། ག་ཅི་སྨོ་ཟེར་བ་ཅིན་ ལ་ལུ་ཅིག་གིས་ རྫོང་ཁའི་ཡོངས་འབྲེལ་འཆར་སྒོ་ མ་ད་སྤུ་ལས་ར་མིན་ནུག།
གཞོན་སྐྱེས་བསོད་ནམས་ཅན་ཚུ་གིས་ཡང་ རྒྱལ་ཡོངས་སྐད་ཡིག་ལུ་ དང་འདོད་བསྐྱེད་དགོ་པ་ཅིན་ རྫོང་ཁའི་ཡོངས་འབྲེལ་འཆར་སྒོ་ག་དེ་མང་མ་དགོཔ་འདུག། སྒྲིག་རང་ལས་མེདནི་རོགས་ལས་མེད་ཟེར་དོཝ་བཟུམ་སྦེ་ ཕམ་གིས་ར་ཡོངས་འབྲེལ་འཆར་སྒོ་རྫོང་ཁའི་ནང་བཟོ་བཟོཝ་མེད་པ་ཅིན་ བུ་གཞིས་ཀྱིས་ དང་འདོད་བསྐྱེད་ནི་འདི་དགོད་བྲ་འཚམས་ཅིག་འོང་།
རྟ་སྲབ་ཐག་ཐུངནི་བཞོན་དགོ་བདེ། །བློ་ཚིག་ཐང་ཐུངནི་ཉན་དགོ་བདེ། ། ཟེར་སླབ་དོཝ་བཟུམ་སྦེ་ ལོ་རྒྱུས་མང་མ་པ་ ནཱ་ལུ་རྫོང་ཁའི་ནང་ཡོངས་འབྲེལ་འཆར་སྒོ་ཅིག་དགོ་པའི་ཐུགས་འདོད་ཡོད་པ་ཅིན་ བཀའ་གནངམ་རྒྱ་ལ་དང་། །ཕྱག་ཞུཝ་གཏན་རྐྱང་། །ཟེར་སླབ་དོཝ་བཟུམ་སྦེ་ རྫོང་ཁ་སླབ་ཐངས་གྲོས་སྟོན་ཞབས་ཏོག་གིས་ སྟོང་མ་སྦེ་ཐོབ་པའི་ཡོངས་འབྲེལ་འཆར་སྒོ་འཇམ་སམ་བཟོ་ནི་ལུ་ཕྱག་ཞུ་འོང་ལགས།
ཚོ་ཉོ་རྒྱུ་མེད་རུང་བལྟ་རྒྱུ་ཡོད་ཟེར་སླབ་དོ་བཟུམ་སྦེ་ ཚར་གཅིག་འབྲེལ་བ་མཛད་གནང་ལགས། ༼༄༅༽
བརྟག་ཞིབ།
dzkga.wordpress.com འ་ནེ་ཡོངས་འབྲེལ་འཆར་སྒོ་འདི་ག་དེ་སྦེ་འདུག།
དར་ཁྱབ་གཏང་དགོ་པའི་དཔྱེ་གཏམ།
གཡག་རྒྱགས་རིལ་རི་གིས། །ཨར་བ་ལྷ་སི་སི་གཏང་ནི་མི་འོང་། །
མ་གོ་མཁའ་འགྲོའི་ལུང་བསྟན། །གོནི་གསེར་སྲང་བརྒྱ་ལས་དགའ། །
མཁས་པའི་རིག་པ་ནང་ལས།།བླུན་པོའི་སྤྱོད་པ་ཕྱི་ལས།།
འདྲཝ་མེད་རུང་ཚུལ་ཅིག།
གཡུས་ཀྱི་ལྷ་གསོལ་བ།།གཡུས་ཀྱི་བོནམོ་མཁས།།
ཁྲག་རླུང་དཔོན་གྱི་ནད་གཞི། །གཡོག་པ་ཡོདནི་རྟས་ཐག །
པར་པར་ཟེར་མི་ཕར་ཀི་ལོགས་ལས་ཨིན་མས། །བ་བཞོ་ནི་མེད་པ་མར་ག་ལས་འོང་པ།།
འཕྲལ་འཕྲལ་གཞའ་མགུ་ཉིས་བརྩེགས།།འཕྲལ་འཕྲལ་དགུང་ཧིང་སྟོངམ།།