Dzongkha Labthang
དཔེ་དེབ།
དབྱངས་ཅན་ཕུག་འབྲིང་རིམ་སློབ་གྲྭ་གོང་མ།
ལུང་བསྟན་ཟམ་པ་འབྲིང་རིམ་སློབ་གྲྭ་བར་མ། 
མུ་ཏིག་ཐང་འབྲིང་རིམ་སློབ་གྲྭ་གོང་མ། 
སྐུ་གཟུགས་བཟང་པོ་ལགས།
༉ རྫོང་ཁ་སླབ་ཐངས་གྲོས་སྟོན་ཞབས་ཏོག་གི་ ཡོངས་འབྲེལ་འཆར་སྒོ་འདི་ནང་ལུ་ ཁག་ཆེ་ཏོག་ཏོ་དང་ གོ་ཆོདཔ་ཅིག་ག་ནེ་ཡང་མེད་རུང་། ཐུགས་ཁོམ་བཏོན་ཏེ་གཟིགས་མི་ལུ་ སེམས་ཀྱི་ཧིང་ལས་དགའ་ཚོར་ཡོད།
བར་སྐབས་ཅིག་ལས་ འཛམ་གླིང་ནང་ བརྡ་དོན་འཕྲུལ་རིག་གོང་འཕེལ་དང་བསྟུན་ཏེ་ ཤེས་ཡོན་བརྗེ་སོར་གྱི་ལམ་ངོ་མ་ཅིག་ ཡོངས་འབྲེལ་ཨིནམ་འདི་ ང་བཅས་ར་ག་ར་གིས་མ་མཁྱེནམ་མེད།
འབྲུག་རྒྱལ་ཁབ་ནང་ཡང་ ཨིང་སྐད་ཀྱི་སྐུ་ཡོན་ཡོད་མི་ཚུ་གིས་ ཡོངས་འབྲེལ་འཆར་སྒོ་ གཅིག་ལས་གཅིག་དྲགཔ་སྦེ་བཟོ་སྟེ་ཡོད་མི་འདི་མཐོངམ་ད་ གནམ་མེད་ས་མེད་ངལ་རངས་པས། དེ་འབདཝ་ད་ རྒྱལ་ཡོངས་སྐད་ཡིག་རྫོང་ཁའི་ཡོངས་འབྲེལ་འཆར་སྒོ་བཟོ་མི་ཉུང་སུ་ཅིག་ལས་བརྒལ་ཏེ་མེད་པའི་ཁར། འདིའི་ནང་ལས་ཡང་གཞུང་གི་ལྷན་ཁག་དང་། ལས་ཁུངས་ཁག་གི་ཡོངས་འབྲེལ་འཆར་སྒོ་ཚུ་ ཆུ་མ་སྐམ་ཅིག་དང་། །ཉ་མ་ཤིཝ་ཅིག ། ཟེར་སླབ་དོ་བཟུམ་ཅིག་ལས་བརྒལ་ཏེ་མ་མཐོང་།
རེམ་གཉིསམ་གིས་ རྫོང་ཁའི་ནང་ཡོངས་འབྲེལ་འཆར་སྒོ་ཆོག་སྒྲིག་བཀལ་ཏེ་བཟོ་རུང་ མཐོང་བསྐྱེད་མི་དེ་དང་འདི་ཨིན་ཟེརཝ་ཅིག་མེདཔ་མ་ཚད་ དུམ་གྲ་རེ་གཟིགས་མི་ཚུ་གིས་ཡང་ ཐུགས་འཆར་ག་ནེ་ཡང་བཀོད་ནི་མེད་ནི་འདི་གིས་ སེམས་ཕམ་མས།
མི་གིས་ག་ཅི་སླབ་འོང་།
དང་པ་ར་ རོགས་ལུ་སྟོན་ནིའི་མནོ་བསམ་མ་གཏང་པར་ རང་གིས་ག་དེ་ཅིག་ལྷབ་ཚུགས་ཚུགསཔ་ལྷབ་དགོ་ལོ།
ལྷག་ནི་ཨིན་ན་དང་ བཞག་ནི་ཨིན་ན་འདི་ རང་གི་མ་མཁལ་འོག་གི་ ཐེབ་སོ་གངམ་འདི་དང་ར་འཁྲིལ་དགོ་ལོ་སུས།
རང་ལུ་གཞི་རྟེན་ཤེས་ཡོན་དང་། ཡང་ཅིན་ཤེས་ཡོན་ཁ་སྐོང་འཐོབ་པ་ཅིན་ བྱིན་ནི་བཅའ་ནི་མེད་རུང་ དགའ་ཚོར་བསྐྱེད་དགོ་ལོ།
ཐིམ་ཕུག་གི་སློབ་གྲྭ་ཁག་ལུ་དཔེ་དེབ་བཀྲམ་པའི་བསྒང་ར་ཡོདཔ།
༉ རྫོང་ཁ་སླབ་ཐངས་སྡེ་ཚན་གྱིས་ ཐིམ་ཕུག་གི་སློབ་གྲྭ་ཁག་སོ་སོར་ སྔར་སྲོལ་རྫོང་ཁའི་དཔེ་དེབ་བཀྲམ་པའི་བསྒང་ར་ཡོདཔ་མ་ཚད་ སློབ་གྲྭ་ལྷག་ལུས་ཚུ་ནང་ཡང་མགྱོགས་སུ་ཅིག་སྦེ་བཀྲམ་ནི་ཨིན།
འ་ནི་དཔེ་དེབ་འདི་སློབ་གྲྭ་རེའི་དོན་ལུ་ དཔེ་དེབ་འདྲ་གསུམ་རེ་ཕུལ་དོ་ཡོདཔ་ད། དེ་ཡང་སློབ་དཔོན་དང་སློབ་ཕྲུག་ཚུ་གིས་ ལེགས་ཞིམ་སྦེ་ལྷག་སྟེ་དར་ཁྱབ་གཏང་བའི་རེ་བ་བསྐྱེདཔ་ཨིན།
སྡེ་སྲིད་འབྲིང་རིམ་སློབ་གྲྭ་གོང་མ།
སྐལ་སྐྱིད་འབྲིང་རིམ་སློབ་གྲྭ་གོང་མ།
དབྱངས་ཅན་ཕུག་འབྲིང་རིམ་སློབ་གྲྭ་གོང་མ།
ལུང་བསྟན་ཟམ་པ་འབྲིང་རིམ་སློབ་གྲྭ་བར་མ།
མུ་ཏིག་ཐང་འབྲིང་རིམ་སློབ་གྲྭ་གོང་མ།
བློ་གསལ་གླིང་འབྲིང་རིམ་སློབ་གྲྭ་བར་མ།
བར་པའི་ས་སློབ་གྲྭ་ཆུང་བ།
བར་པའི་ས་འབྲིང་རིམ་སློབ་གྲྭ་བར་མ།
བདེ་ཆེན་ཆོས་གླིང་སློབ་གྲྭ།
གསེར་གསང་སློབ་གྲྭ་ཆུང་བ།
ཊོག་ཊར་སྟོབས་རྒྱས་འབྲིང་རིམ་སློབ་གྲྭ་བར་མ།
རིན་ཆེན་ཀུན་ཕན་སློབ་གྲྭ།
བཟོ་རིག་བཅུ་གསུམ་སློབ་སྦྱོང་སྤེལ་ཁང་།
ནང་པའི་གསོ་རིག་སློབ་ཚོགས།
དཔལ་འཁྱིལ་འབྲིང་རིམ་སློབ་གྲྭ་གོང་མ།
ཅང་རིག་འཕེལ་སློབ་གྲྭ་ཆུང་བ།
ལུང་བསྟན་ཕུག་འབྲིང་རིམ་སློབ་གྲྭ་བར་མ།
ཆུ་འབར་ཆུ་འབྲིང་རིམ་སློབ་གྲྭ་བར་མ།
འཇིགས་མེད་རྣམ་རྒྱལ་འབྲིང་རིམ་སློབ་གྲྭ་བར་མ།
འབྲུག་སློབ་གྲྭ་ཆེ་བ།
དབུ་འཛིན་ཚུ་གིས་ཆ་བཞག་ཡོདཔ།
༉ རང་ལུགས་འདས་ལོ་༣༧༡ གནམ་ལོ་ཆུ་སྟག་ ཟླཝ་༧པའི་ཚེས་༢༥ལུ་ རྫོང་ཁ་སླབ་ཐངས་སྡེ་ཚན་གྱིས་བཏོན་ཡོད་པའི་ སྔར་སྲོལ་རྫོང་ཁའི་དཔེ་དེབ་འདི་ ཐིམ་ཕུག་གི་སློབ་གྲྭ་ཁག་དག་པ་ཅིག་ལུ་བཀྲམ་པ་སོངམ་ད་ སློབ་གྲྭའི་དབུ་འཛིན་ཚུ་གིས་མཐོང་བསྐྱེད་ཡོདཔ་ཨིན།
དབང་འདུས་ཕོ་བྲང་གི་སློབ་གྲྭ་ག་ར་ལུ་དཔེ་དེབ་བཀྲམ་ཡོདཔ།
༉ རང་ལུགས་འདས་ལོ་༣༧༡ ཟླ་༧པའི་ཚེས་༡༣ལས་འགོ་བཙུགས་ཏེ་ཉིནམ་༣གྱི་རིང་ལུ་ རྫོང་ཁ་སླབ་སྡེ་ཚན་གྱི་ཁྲི་འཛིན་གྱིས་འགུཔ་བཀལ་ཏེ་ ཚོགས་ཆུང་གི་འཐུས་མི་ཚུ་གིས་ དབང་འདུས་ཕོ་བྲང་རྫོང་ཁག་འོག་གི་སློབ་གྲྭ་ཚུ་ནང་ སྔར་སྲོལ་རྫོང་ཁའི་ངག་རྒྱུན་ཟེར་བའི་དཔེ་དེབ་བཀྲམ་ཚར་ཏེ་ཡོདཔ་ཨིན།
དེ་ཡང་ཤེས་རིག་གཙོ་འཛིན་འགོ་དཔོན་གྱིས་འགུཔ་བཀལ་ཏེ་ དབང་འདུས་རྫོང་ཁག་འོག་གི་ རྒེད་འོག་༡༥གི་སློབ་གྲྭ་ཆེ་འབྲིང་ཆུང་གསུམ་གྱི་དབུ་འཛིན་ཚུ་ཞལ་འཛོམས་འཚོགས་སར་ རྫོང་ཁ་སླབ་ཐངས་སྡེ་ཚན་གྱི་ཁྲི་འཛིན་གྱིས་ སྔར་སྲོལ་རྫོང་ཁའི་ངག་རྒྱུན་ཟེར་བའི་དཔེ་དེབ་འདི་རྩོམ་སྒྲིག་འབད་དགོ་པའི་ཁུངས། ག་དེ་སྦེ་འབད་ཡི་ག། ད་ལས་ཕར་ག་ར་གིས་རབ་རུབ་གཏང་སྟེ་ ག་དེ་སྦེ་འབད་དགོཔ་ཡོདཔ་ཨིན་ན་གི་སྐོར་ལས་གསལ་བཤད་ཕུལ་ཡོདཔ་མ་ཚད། ཁྲི་འཛིན་དང་ཚོགས་ཆུང་གི་འཐུས་མི་ཚུ་གིས་ སློབ་གྲྭ་རེ་རེ་བཞིན་གྱི་དབུ་འཛིན་ཚུ་ལུ་ དཔེ་དེབ་འདྲ་གསུམ་རེ་ཕུལ་ཡི།
ད་ལས་ཕར་དཔེ་དེབ་འདི་ སློབ་གྲྭའི་དཔེ་མཛོད་ནང་བཞག་ནི་ཨིན་རུང་ དང་འདོད་ཡོད་མི་སློབ་དཔོན་དང་ སློབ་ཕྲུག་ཚུ་གིས་ལྷག་ཚུགས་ནི་ཨིནམ་མ་ཚད་ རྫོང་ཁ་སློབ་དཔོན་ཚུ་གིས་ སློབ་སྟོན་ཐབས་ཤེས་ཐོག་ལས་ དེ་བསྒང་གི་རྫོང་ཁའི་མིང་ཚིག་ཚུ་དར་ཁྱབ་གཏང་བའི་རེ་བ་བསྐྱེདཔ་ཨིན།
དབུ་འཛིན་ཚུ་དང་མཇལ་ནིའི་དུས་ཚོད།
༉ རྫོང་ཁ་སླབ་ཐངས་སྡེ་ཚན་གྱི་ཁྲི་འཛིན་གྱིས་འགུཔ་བཀལ་ཏེ་ ཚོགས་ཆུང་གི་འཐུས་མི་ཚུ་གིས་ ལྟ་མ་ཕྱི་རུ་ཁམས་ཆུ་ཚོད་༤་ལུ་ དབང་འདུས་ཕོ་བྲང་རྫོང་ཁག་འོག་གི་སློབ་གྲྭ་ཁག་གི་དབུ་འཛིན་ཚུ་དང་མཇལ་ཏེ་གསུང་གྲོས་ཕུལ་ནི་ཨིན་མས།
དེའི་སྐབས་ལུ་ རྫོང་ཁ་སླབ་ཐངས་སྡེ་ཚན་གྱི་ལཱ་སྐོར་དང་ ད་ལས་ཕར་འབད་དགོཔ་བཅའ་དགོཔ་ག་དེ་སྦེ་ར་ཡོདཔ་ཨིན་ན་གི་སྐོར་ལས་གསལ་བཤད་དང་སྦྲགས་ཏེ་ སྔར་སྲོལ་རྫོང་ཁའི་ངག་རྒྱུན་ཟེར་བའི་དཔེ་དེབ་ཆ་ཚང་རེ་རྩིས་ཕུལ་ནི་ཨིན་མས།
དབང་འདུས་ལུང་གཤོང་ནང་དཔེ་དེབ་བཀྲམ་དོ་ཡོདཔ།
༉ རང་ལུགས་འདས་ལོ་༣༧༡ ཟླ་༧པའི་ཚེས་༡༣ལུ་ རྫོང་ཁ་སླབ་སྡེ་ཚན་གྱི་ཁྲི་འཛིན་གྱིས་འགུཔ་བཀལ་ཏེ་ ཚོགས་ཆུང་གི་འཐུས་མི་ཚུ་གིས་ དབང་འདུས་ཕོ་བྲང་རྫོང་ཁག་འོག་གི་སློབ་གྲྭ་ཁག་སོ་སོར་ སྔར་སྲོལ་རྫོང་ཁའི་ངག་རྒྱུན་ཟེར་བའི་དཔེ་དེབ་བཀྲམ་ནི་འགོ་བཙུགས་ཡོདཔ་ཨིན།
སློབ་གྲྭ་གཞན་མི་ཚུ་ནང་ཡང་ མགྱོགས་སུ་ཅིག་སྦེ་ར་བཀྲམ་ནི་ཨིན་མས།
སྤ་རོ་ལུང་གཤོང་གི་སློབ་གྲྭ་ནང་དཔེ་དེབ་བཀྲམ་ཡོདཔ།
༉ རྫོང་ཁ་སླབ་ཐངས་སྡེ་ཚན་གྱིས་བཏོན་ཡོད་པའི་ སྔར་སྲོལ་རྫོང་ཁའི་ངག་རྒྱུན་ཟེར་བའི་དཔེ་དེབ་འདི་ སྤ་རོ་རྫོང་ཁག་འོག་གི་ས་གནས་ཁག་སོ་སོའི་སློབ་གྲྭ་ཚུ་ནང་བཀྲམ་ཡོདཔ་ཨིན།
དེའི་སྐབས་ལུ་ དཔེ་དེབ་རྩོམ་སྒྲིག་འབད་དགོ་པའི་ར་ཁུངས་དང་ ག་དེ་སྦེ་ར་འབད་ཡི་ག། ད་ལས་ཕར་དཔེ་དེབ་འདི་ག་དེ་སྦེ་འབད་དགོཔ་ཨིན་ན་གི་སྐོར་ལས་གསལ་བཤད་འབད་ཡོདཔ་ཨིན།
དཔེ་དེབ་བཀྲམ་པའི་བསྒང་ཡོདཔ།
༉ རྫོང་ཁ་སླབ་ཐངས་སྡེ་ཚན་གྱིས་ སྤྱི་ལོ་༢༠༢༢ སྤྱི་ཟླ་༨པའི་ཚེས་༣༠ལུ་ ཐིམ་ཕུག་ལུང་གཤོང་གི་སློབ་གྲྭ་རྙིང་ཤོས་གསུམ་ལུ་ སྔར་སྲོལ་རྫོང་ཁའི་མིང་ཚིག་ཟེར་བའི་དཔེ་དེབ་ཕུལ་ཡོདཔ་ཨིན།
འ་ནི་དཔེ་དེབ་ཚུ་ དབྱངས་ཅན་ཕུག་འབྲིང་རིམ་སློབ་གོང་མ་དང་། མུ་ཏིག་ཐང་འབྲིང་རིམ་སློབ་གྲྭ་གོང་མ། དེ་ལས་ལུང་བསྟན་ཟམ་པ་འབྲིང་རིམ་སློབ་གྲྭ་བར་མའི་དབུ་འཛིན་ཚུ་ལུ་རྩིས་ཕུལ་ཡོདཔ་ད། ད་ལས་ཕར་དཔེ་དེབ་འདི་ སློབ་གྲྭའི་དཔེ་མཛོད་ནང་བཞག་ནི་ཨིནམ་ལས་ སློབ་ཕྲུག་ཚུ་གིས་ལྷག་ཚུགས་ནི་ཨིན་པའི་ཁར། འདིའི་ནང་ལས་ཡང་སློབ་དཔོན་ཚུ་གིས་ བཤད་པ་དང་སྦྲགས་ཏེ་སྟོན་གནང་བའི་རེ་ཆི་བསྐྱེདཔ་ཨིན།
ཐིམ་ཕུག་གི་སློབ་གྲྭ་ལྷག་ལུས་ཚུ་ནང་ཡང་ མགྱོགས་སུ་སྦེ་བཀྲམ་ནི་ཨིན།
སློབ་གྲྭའི་དཔེ་མཛོད་དོན་ལུ་དཔེ་དེབ་ཕུལ་ཡོདཔ།
༉ རྫོང་ཁ་སླབ་ཐངས་སྡེ་ཚན་གྱིས་བཏོན་ཡོད་མི་ སྔར་སྲོལ་རྫོང་ཁའི་མིང་ཚིག་ཟེར་བའི་དཔེ་དེབ་འདི་ སྤྱི་ལོ་༢༠༢༢ སྤྱི་ཟླ་༨པའི་ཚེས་༢༧ལུ་ སྤ་རོ་ལུང་ཕྱོགས་ཀྱི་སློབ་གྲྭ་ཚུ་ནང་བཀྲམ་ནི་འགོ་བཙུགས་ཅི།
དེ་ཡང་དང་པ་ར་སྤ་རོ་རྫོང་ཁག་ནང་ སློབ་གྲྭ་རྙིང་ཤོས་ཅིག་ཨིན་མི་ དགའཝ་སྤེལ་འབྲིང་རིམ་སློབ་གྲྭ་འོག་མ་དང་། སྒེར་སྡེའི་སློབ་གྲྭ་མིང་གཏམ་ཅན་ཀརྨ་ཤེས་ཡོན་སློབ་ཁང་གཉིས་ནང་དཔེ་དེབ་ཕུལ་ཡོདཔ་མ་ཚད་ དང་ཕུ་དུས་རྒྱས་ཀྱི་མིང་ཚིག་ཚུ་ག་ཅི་སྦེ་དཔེ་དེབ་བཏོན་དགོཔ་ཨིན་ན། ཁུངས་ཐུབ་ཀྱི་ཞིབ་འཚོལ་དང་འདྲ་ཆགས་ཏོག་ཏོ་གི་མིང་ཚིག་བསྡུ་ལེན་ག་དེ་སྦེ་འབད་ཡི་ག། ད་ལས་ཕར་དཔེ་དེབ་འདི་ནང་ཡོད་པའི་མིང་ཚིག་ཚུ་ ག་དེ་སྦེ་འབད་དགོཔ་ཨིན་ན་གི་སྐོར་ལས་དུམ་གྲ་རེ་གསལ་ཏེ་ཞུ་ཡི།
