དཔེ་དེབ།
Dzongkha Labthang
དབྱངས་ཅན་ཕུག་འབྲིང་རིམ་སློབ་གྲྭ་གོང་མ།
ལུང་བསྟན་ཟམ་པ་འབྲིང་རིམ་སློབ་གྲྭ་བར་མ། 
མུ་ཏིག་ཐང་འབྲིང་རིམ་སློབ་གྲྭ་གོང་མ། 
རྫོང་ཁ་སླབ་ཐངས
རྫོང་ཁ།
རྫོང་ཁ་ཞུན་དག་ཏོག་ཏོ་དང་ སླ་བསྲེས་མེདཔ་སྦེ་སླབ་ནི་ལུ་ སྦྱང་ཚུད་བཅུག་ནིའི་དོན་ལུ་ རྫོང་ཁ་སླབ་ཐངས་སྡེ་ཚན་ནང་ལུ་ ལོ་རྒྱུས་ག་དེ་མེན་ཚད་གུ་དེ་སྦེ་རུང་ འབྲེལ་ཡོད་མི་ངོམ་དང་། གཞོན་སྐྱེས་ཚུ་གིས་ དང་འདོད་ཆེནམོ་ཅིག་བསྐྱེད་མི་བཏུབ་པས། ཨིན་རུང་ང་བཅས་ཀྱིས་ཐང་བཏང་བཀོག་མ་བཞག་པ་ རྩ་འགེངས་ཏེ་འཕྲོ་མཐུད་དེ་ལཱ་སྐོར་འབད་མི་འདི་གིས་ མེན་སར་མི་འོང་ཟེར་མནོཝ་མས།
གཞན་འདི་ལོས་ སློབ་སྟོན་གནང་མི་ཚུ་གིས་ཡང་ དེ་བསྒང་ལས་སླབ་ནི་ཡོད་པའི་རྫོང་ཁའི་མིང་ཚིག་བ་འདི་ ད་རེས་ནངས་པ་གསརཔ་བརྩམས་མི་ དེ་ལས་ཚིག་མགུ་མཇུག་སློག་སློགཔ་འགོ་མེད་ཤོ་མེད་ཚུ་ར་ཐུགས་མཉེས་པས།
རྫོང་ཁ་སླབ་ཐངས་ནང་གྲས་ཁར་གཏོགས་དགོཔ།
རྒྱལ་ཁབ་ནང་ལུ་ཧེ་མ་ཅིག་ལས་ར་ གཞུང་སྒེར་དང་ འདི་གི་ནང་ལས་ཡང་ མི་དབང་རིམ་བྱོན་ཚུའི་ཐུགས་ཀྱི་དགོངས་བཞེད་དང་འཁྲིལ་ཏེ་ རྫོང་ཁ་གོང་འཕེལ་ལྷན་ཚོགས་ཟེར་བའི་ཡིག་ཚངཅིག་་ལོགས་སུ་གཞི་བཙུགས་གནང་ཞིནམ་ལས་ སྤྱིར་རྒྱལ་ཡོངས་སྐད་ཡིག་དར་ཁྱབ་དང་ འདིའི་ནང་ལས་ཡང་ རྫོང་ཁའི་མིང་ཚིག་ཚུ་ཉམས་མ་བཅུག་པར་བདག་འཛིན་ག་འདེ་དྲག་དྲ་འཐབ་ནིའི་དོན་ལུ་ མི་དབང་རིམ་བྱོན་ཚུ་གིས་གསུང་མི་དང་ རྫོང་གཞི་ཁག་ལུ་སླབ་སྲོལ་ཡོད་མི་ཁ་སྐད་ ཕྱིའི་ཁ་སྐད་དང་བསྲེ་མ་ཞུགས་པར་ཡོད་མི་རྒན་ཤོས་ཚུ་ལུ་དྲི་བསྟུན་འབད་དེ་ ཚིག་མཛོད་བསྡུ་སྒྲིག་འབད་དེ་ཡོད་མི་ནང་ལུ་ མིང་ཚིག་ཁྲི་དང་འབུམ་སྦེ་ཡོད་རུང་ དང་པ་དེ་བསྒང་སླབ་སྲོལ་ཡོད་པའི་མིང་ཚིག་ལ་ལུ་ཅིག་མ་ཚུདཔ་མ་ཚད་ དེ་ཚུ་ཡིག་ཐོག་ལུ་རྐྱངམ་ཅིག་འབད་ནི་འདི་གིས་ བློ་རྐྱབ་པའི་ནམ་དུས་ལུ་ རྫོང་ཁ་ཕྱེད་དག་ཀོ་དག་སྦེ་སླབ་ནི་དར་ཁྱབ་སོང་ཡོད་མི་འདི་གིས་ དང་ཕུ་སླབ་སྲོལ་ཡོད་པའི་མིང་ཚིག་རྒྱབ་ཁར་ལུས་ཏེ་ཡོད་མི་ཚུ་ གདོང་ཁར་བཏོན་ཏེ་དར་ཁྱབ་གཏང་དགོ་པ་ཅིན་ ཐབས་ཤེས་དྲག་ཤོས་འདི་ར་ རྫོང་ཁ་སླབ་ཐངས་ལས་འགོ་བཙུགས་ཏེ་བཅོ་ཁ་རྐྱབ་ཚུགས་པ་ཅིན་ རྗོད་སྒྲ་དག་ཆ་བཏོན་ཚུགས་པའི་ཁར་ སླབ་ཐངས་འདི་མ་འོངས་ཡུན་རིང་ལུ་གནས་ཚུགས་ནི་ཨིནམ་ལས་ སྡེ་ཚན་ནང་ རྫོང་ཁའི་ཤེས་ཡོན་སྦྱང་མི་དང་ རྫོང་ཁ་སླབ་ཤེས་མི་རྐྱངམ་ཅིག་མིན་པར་ སྤྱིར་བཏང་མི་མང་དང་ འདིའི་ནང་ལས་ཡང་གཞོན་སྐྱེས་ཆ་ཁྱབ་ཀྱིས་གྲས་ཁར་གཏོགས་ཚུགས་པ་ཅིན་ དེ་བསྒང་ག་སླབ་སྲོལ་ཡོད་པའི་རྫོང་ཁའི་ངག་གཤིས་ཚུ་ མ་འོངས་རྒྱལ་ཁབ་བདག་འཛིན་འཐབ་མི་ ན་གཞོན་ཚུ་གི་བདོག་གཏད་སྦེ་བཞག་ནི་ལུ་གཙོ་བོར་བཏོན་དོ་ཡོདཔ་ལས་ ག་ར་གིས་འདི་ནང་གྲས་ཁར་གཏོགས་གནང་ཟེར་ཞུ་ནི་ཨིན།།
ཁ་སྐད་སླ་བསྲེས་ཀྱི་ཕན་གནོད།
དང་ཕུ་རྒྱལ་ཁབ་གཞན་དང་འབྲེལ་བ་གནམ་མེད་ས་མེད་ཅིག་མེད་ནི་འདི་གིས་ རང་གི་ཁ་སྐད་དང་ལུང་པའི་ངག་གཤིས་ཚུ་དར་ཁྱབ་ཡོད་རུང་ ད་རིས་ནངས་པ་རྒྱལ་ཁབ་གོང་འཕེལ་ལས་བརྟེན་ཏེ་ རང་གི་ཁ་སྐད་བ་འདི་ གཞན་རྒྱལ་ཁབ་ཀྱི་ཁ་སྐད་ལུ་དང་སྣང་བསྐྱེད་མི་འདི་ གཅིག་ལས་འབདནི་ལུགས་སྲོལ་བཟུམ་ཅིག་ཨིན་རུང་ རྒྱལ་ཁབ་རང་བཙན་ལུ་དུམ་གྲ་ཅིག་གནོད་པ་བྱུང་ནིའི་ཉེན་ཁ་ཡོདཔ་ལས་ ཕན་ཐོགས་བ་འདི་གནོད་པ་ར་ཤུགས་ཆེ་ནི་ཨིན་པས། ཨིན་རུང་ལ་ལུ་ཅིག་གིས་ ཁ་སྐད་སླ་བསྲེས་སླབ་མི་འདི་གིས་ སྐད་ཡིག་ལེ་ཤ་ཤེས་ཚུགས་པའི་ཕན་ཐོགས་ཡོདཔ་སྦེ་སླབ་མི་འདི་ གཙོ་བོ་ར་རང་གི་མནོ་བསམ་གཏང་ཐངས་ལུ་རག་ལས་ནི་ཨིན་པས།