Dzongkha Labthang
Dzongkha Labthang
ཝང་གདུང་རྒྱས་ཀྱི་མིང་ལུ་ཁུངས་སྐྱེལ་ཐངས།
༉ ཁྱོད་ཅང་གི་བྱིསཔ་འདྲེ་འབད་རུང་། །ང་ཝང་གདུང་རྒྱས་གླེན་གོ་མེན།། ཟེར་བའི་དཔྱེ་གཏམ་སླབ་སྲོལ་ཡོད་མི་ དེ་བསྒང་ནུབ་ཕྱོགས་ལུང་ཕྱོགས་ ཝང་འགྱམ་རྡོ་ལས་ཨིན་མི་ མི་རིག་པའི་བྱི་ཅུང་འདི་ མི་ས་འོག་ལུ་ཐལ་སོ་རུང་། །གཏམ་ས་སྟེང་ལུ་ལུས་ཟེར་སླབ་དོཝ་བཟུམ་སྦེ་ ད་རེས་ནངས་པ་ཁོ་གི་མིང་ ཝང་གདུང་བརྒྱུད། ཝང་གདུང་རྒྱས། ཝང་འབྲུག་རྒྱས། ཝང་གདུང་ངེ་ཟེར་ མིང་ཐད་རི་སྦ་རི་སྦེ་སླབ་ནི་ལུ་མགོ་འཐོམས་དགོ་མི་དེ་ཡང་ ཁུངས་ལྡན་ཡིག་ཆ་ཅིག་མེད་ནི་འདི་གིས་ཨིན་མས། ཨིན་རུང་སྤུ་ན་ཁ་རྫོང་ཁག་ ཆུ་སྦུག་རྒེད་འོག་ གཡུས་ཚ་ཆུ་ཕུ་ལས་ སྐྱེས་ལོ་བདུན་བཅུ་དོན་གྲངས་ནང་ཨིན་མི་གཞས་དཔོན་དབང་ཕྱུག་གིས་ ར་ཁུངས་ཡིད་ཆེས་འདྲོངས་ཏོག་ཏོ་སྦེ་བཀལ་ནི་འདུག།
དར་ཁྱབ་གཏང་དགོ་པའི་ཚིག།
འགོ་ལས་མཇུག་དག།
སྦྱིས་བཏགས།
བོག་གོག་ཤར།
ཨོམ་བཙུམ།
དུ་རུམ།
གོ་མེད་བརྡ་མེད།
ཡང་ན་ཡེངས་ན།
བབ་ཏོག་ཆུང་མས།
མཐོ་མེད་ཚད་མེད།
བྱིས་ཉག་ཀ།
ཐལ་ལུས་ཤོར།
དབུགས་དུམ།
ད་ལས་ཕར་གྱི་ལཱ་སྐོར།
རྫོང་ཁ་སླབ་ཐངས་སྡེ་ཚན་འགོ་བཙུགས་ཏེ་ མི་ལོ་༧ ལྷགཔ་ཅིག་སོང་པའི་ཤུལ་ལུ་ རྫོང་ཁ་སླབ་ཐངས་སྡེ་ཚན་འདི་ གྲོས་སྟོན་ལས་སྡེ་སྦེ་ བསྒྱུར་བཅོས་འབད་དགོ་མི་དེ་ཡང་ སྐབས་སུ་བབ་པའི་གཏམ། །དུས་སུ་བབ་པའི་ཆརཔ། །ཟེར་སླབ་དོཝ་བཟུམ་སྦེ་ ཧེ་མ་བ་ལྷགཔ་སྦེ་ མི་སྡེ་ལུ་ཞབས་ཏོག་ཚད་ལྡན་སྦེ་ཞུ་ཚུགས་ནི་དང་། ད་ལས་ཕར་འབད་དགོཔ་བཅའ་དགོཔ་ལེ་ཤ་ཡོད་མི་ཚུ་ གཅིག་གིས་གཅིག་ལུ་ཧེང་འཕུལ་ཏེ་མ་སྡོད་པར་ མགྱོགས་སུ་ཅིག་སྦེ་བཏགས་ས་བཀལ་ནི་ལུ་ དམིགས་གཏད་བསྐྱེད་དེ་ཨིན།
ད་རེས་ནངས་པའི་གནས་སྟངས་ལུ་ཆ་དཔག་སྟེ་ལྟཝ་ད་ རྫོང་ཁ་འབྲི་ལྷག་ད་ཕྱདཔ་ད་ སླབ་ནི་འདི་འཇམ་ཏོང་ཏོ་འཚམས་ཅིག་སྦེ་བརྩིས་དོཝ་ཨིན་རུང། དབངམོ་ཚངམ་སྦེ་སླབ་མི་ཉུང་ར་ཉུང་པས། རྫོང་ཁ་ཕྱེད་དག་ཀོ་དག་སྦེ་སླབ་རུང་ དེ་འཕྲལ་ལས་བཅོས་ཁ་རྐྱབ་བྱིན་མི་ག་ཡང་མེད་ནི་འདི་གིས་ ཧེང་སྐལ་ར་ཁ་སྐད་ལུགས་ལུགས་གཞི་དར་ཁྱབ་གཏང་ནི་ལུ་གནོད་པ་བྱུངམ་ཨིན་མས། འ་ནེ་ཨིན་ནི་འདི་གིས་ ད་ལས་ཕར་རྫོང་ཁ་སླབ་ཐངས་གྲོས་སྟོན་ཞབས་ཏོག་ལས་སྡེ་གིས་ ཞབས་ཏོག་ག་ཅི་ར་ཕུལ་ནི་ཨིན་ན་འོག་ལུ་བཀོད་དེ་ཡོད།
དང་འདོད་ཡོད་མི་དང་ འདིའི་ནང་ལས་གཞོན་ཅུང་ཚུ་གིས་ རྫོང་ཁ་ཕྱེད་དག་སྦེ་མིན་པ་ སྒྲ་དག་སྤུས་དག་སྦེ་སླབ་ཚུགསཔ་བཟོ་ནི།
རྫོང་ཁ་ངག་གཤིས་མ་ཤེས་ཚུན་སྟོན་བྱིན་ནི།
འཕྲལ་ཉེ་བ་སླབ་དགོ་པའི་ རྫོང་ཁའི་མིང་ཚིག་ཚུ་ རྗོད་སྒྲ་དག་ཏོག་ཏོ་སྦེ་སླབ་ཚུགས་བཟོ་ནི།
དར་ཁྱབ་མེད་པའི་དཔྱེ་གཏམ་དང་ དེ་ཚུ་བློ་གི་བར་ན་ཤབ་སྟེ་སླབ་ཐངས་སྟོན་ནི།
འགོ་བཙུགས་ཐངས་དང་མཇུག་བསྡུ་ཐངས་ བར་ན་དཔྱེ་གཏམ་དཔྱེ་དོན་སྒྲིག་ཏོག་ཏོ་སྦེ་བཙུགས་ཏེ་ གསལ་བཤད་འབད་ཐངས་སྟོན་བྱིན་ནི།
གཞན་ཡང་རྫོང་ཁའི་ཤེས་ཡོན་ཁ་སྐོང་དང་འབྲེལ་བའི་ ཞབས་ཏོག་ག་ཅི་་བཟུམ་ར་བཞེས་དགོ་རུང་ དུས་ཚོད་ཁར་ཀྲིག་ཀྲི་སྦེ་ཕུལ་ནི་ཨིནམ་ལས་ ཐུགས་འདོད་ཡོད་མི་དང་། འདིའི་ནང་ལས་ཨ་ལུ་གི་ཕམ་ཚུ་གིས་འབྲེལ་བ་མཛད་གནང་།
བརྗེད་དོགས་སེལ་བ།
༄༅། ། ཧེ་མ་ཅིག་ལས་ར་ ཊིག་ཊོག་དངོས་མཐོང་འགོ་འདྲེན་འཐབ་མི་ཐང་མེད་ཅིག་འདུག། དེ་འབདཝ་ད་ ལོ་རྒྱུས་ག་ཅི་སླབ་རུང་ ཁ་སྐད་སླ་བསྲེས་སླབ་མི་ཙང་ཙ་ཨིན་པས། ང་གིས་རྫོང་ཁ་སླབ་ཐངས་ཀྱི་ངོ་རྟགས་པར་བཙུགས་ཏེ་ དངོས་མཐོང་འགོ་འདྲེན་འཐབ་ཅི། ཤོ་མཉམ་མི་མང་དང་། དེའི་ནང་ལས་ཡང་གཞོན་ཅུང་ག་དེ་མང་མ་གིས་གྲས་ཁར་གཏོགས་བཏུབ་པ་ཅིན་ཟེར་མནོ་སྟེ་ ཉིན་སྐོར་རྐྱབ་སྟེ་ལཱ་སྐོར་སྒྲིག་ནིའི་དོན་ཚན་སོར་སོ་སྦེ་བཟོ་སྟེ་ཡོད་མི་འདི་ཨིན།