May 2025

གདོན་མཆོད་འབད་སྲོལ།

༉ ང་བཅས་རའི་སླབ་སྲོལ་ལུ་ མོ་བཏབ་པ་ཅིན་གདོན་ཅིག་འཐོན་འོང་ཟེར་སླབ་ཨིན་རུང་། དེ་ཡང་འཇིག་རྟེན་པའི་རྣམ་རྟོགས་ཅིག་ཨིན་ནི་འདི་གིས་ མོ་བཏབ་སྟེ་གདོན་མཆོད་མ་སྐྱེལ་བར་ ཕྲང་ཕྲང་སྨན་བཅོས་འབད་རུང་ དྲག་ནི་འདི་ དཀའ་ལས་ཁག་དྲགས་ཅིག་སྦེ་ཡིད་ཆེས་བསྐྱེདཔ་ཨིན། ལྷ་འདྲེ་མི་གསུམ་སྤྱོད་ལམ་གཅིག་ཟེར་སླབ་དོཝ་བཟུམ་སྦེ་ ལྟོ་དགའ་སྤགས་དགའ་ཇ་དགའ་ཆང་དགའ་ རྒྱས་རྒྱས་ཡོབ་ཡོབ་སྦེ་ག་དེ་སྦེ་སྐྱེལ་རུང་། གདོན་མཆོད་འབད་མི་འདི་གིས་ ཁ་ལས་བཤད་པ་རྒྱས་རྒྱས་སྦེ་རྐྱབ་མ་ཚུགས་པ་ཅིན་ གདོན་ཡིད་མགུ་མ་ཚུགས་པར་ནད་ལས་དྲག་མི་ཚུགས་དོ་ཡོདཔ་ཨིན་མས། སྤུ་ན་ཁ་རྟ་ལོག་ལས་ ཨ་ལུ་༦གི་ཨའི་ཨིན་མི་ ཨམ་ཀུན་བཟང་བུད་དར་གྱིས་ ཨ་ལུ་ཚུ་རྐང་ཐང་དྲངས་མི་སྐབས་ལུ་ ཙ་ཀ་ཙི་ཀི་འབདཝ་ཅིག་ སྨན་ཁང་ནང་མ་སྐྱེལ་བའི་ཧེ་མ་ མོ་བཏབ་སྟེ་གདོན་མཆོད་སྐྱེལ་དོ་ཡོདཔ་མ་ཚད། ཁྱིམ་ཚང་ཚུ་ནཝ་ཚཝ་བྱུངམ་ད་ མོ་གིས་གདོན་མཆོད་སྐྱེལཝ་ཅིག་ དེ་འཕྲལ་ལས་དྲག་ཚུགས་པའི་ཡིད་ཆེས་ཡོདཔ་ཨིན་མས། མོ་གིས་གདོན་མཆོད་སྐྱེལཝ་ད་ ཚིག་ག་དེ་སྦེ་ར་སླབ་ནི་ཡོདཔ་ཨིན་ན་ འོག་ལུ་ཨེབ་སྟེ་གསན་པ་ཅིན་མཁྱེན་ཚུགས། བློར་བཟུང་བཟུངམ་བཟུམ་སྦེ་ ཐ་ར་ར་སྦེ་སླབ་ཚུགས་མི་ མོ་བཟུམ་གངམ་མེད་མི་དེ་ཡང་…

རྫོང་ཁ་སླབ་ཐངས་ཀྱི་ལཱ་སྐོར།

རྫོང་ཁ་སླབ་ཐངས་ཟེར་བའི་སྡེ་ཚན་བཟོ་སྟེ་གསུང་གྲོས་གནང་དགོ་པའི་ར་ཁུངས་དང་ གསུང་གྲོས་གནང་ཐངས་ཀྱི་རིམ་པ། གཟིགས་མིའི་གྱངས་ཁ། Post Views: 35

མི་དབང་མཆོག་གིས་རྫོང་ཁ་གཙོ་བོར་བཏོན་དགོ་པའི་བཀའ་སློབ།

རྒྱལ་ཁབ་གཅིག་དང་མི་སྡེ་སྡེ་གཅིག་ནང་ལུ་ ཁ་སྐད་གཅིག་གིས་བརྡ་དོན་སྤྲོད་ལེན་འབད་ཚུགས་ནི་དང་། རྒྱབ་ཁབ་རང་བཙན་དོན་ལུ་ རྒྱལ་ཡོངས་སྐད་ཡིག་ལུ་ཆ་བཞག་བརྩི་མཐོང་བསྐྱེད་དགོཔ་ཁག་ཆེའི་སྐོར་ལས་ སྤྱི་གཙུག་གི་ནོར་བུ་མི་དབང་འབྲུག་རྒྱལ་བཞི་པ་མཆོག་གིས་ བཀའ་བཟང་གསེར་གྱི་མེ་ཏོག་གནང་ཡོད་མི་འདི་ འབྲུག་གི་ཁྲིམས་སྤྱི་བློན་པོ་སྐུ་བགྲེས་བསོད་ནམས་སྟོབས་ཀྱིས་ བཅའ་ཁ་བཅོ་ཁ་ག་ནེ་ཡང་མ་རྐྱབ་པ་གསལ་བཤད་གནང་སྟེ་ཡོད། གཟིགས་མིའི་གྱངས་ཁ། Post Views: 17

རྒྱལ་ཡོངས་སྐད་ཡིག་གི་བྱུང་རབས།

ང་བཅས་རའི་རྒྱལ་ཡོངས་ཁ་སྐད་རྫོང་ཁའི་སྐོར་ལས་ དྲགོས་ཤེས་རབ་རྒྱལ་མཚན་གྱིས་ གསལ་བཤད་གནང་སྟེ་ཡོད། དེ་གིས་རྫོང་ཁ་ལུ་ཆ་བཞག་བརྩི་མཐོང་བསྐྱེད་མི་མང་སུ་འཐོན་པའི་བསྒང་ལས་ ལཱ་ཁག་སྦེ་ ཁ་ལུ་གཞོང་མི་དགོཔ་འོང་ཟེར་མནོཝ་མས། འ་ནི་གུར་ཨེབ་ཞིནམ་ལས་གསན་གནང་། གཟིགས་མིའི་གྱངས་ཁ། Post Views: 5

མིའི་དཔེ་སྟོན་མི།

འབྲུག་པའི་མི་རིགས་ རིག་པའི་བྱི་ཅུང་ཝང་གདུང་རྒྱས་འདི་ མི་ལ་ལུ་གིས་འབད་བ་ཅིན་ ཁོ་མི་ཀྲེམ་ཟེ་ མ་ཉན་གུ་རུ་ཅིག་ཨིནམ་སྦེ་སླབ་ཨིན་རུང་། ནང་སེང་སྐོར་ལས་ཁོག་ཧིང་ལྷག་ལྟ་བ་ཅིན་ ཁོ་འདི་ཕྱི་སྐྱ་གཏམ་དང་། ནང་དོན་དམ་ཟེར་དོ་བཟུམ་ཅིག་ཨིན་མས། ག་ཅི་སྨོ་ཟེར་བ་ཅིན་ ཁོ་གིས་ འབད་དགུ་འབད་བཅོ་བརྒྱད་འབད་བ་ཅིན་ མཐའ་མར་ཁོ་ར་ཡང་དོག་སར་ཚུད་ནུག་ཟེར་ཨིན་མས། ཁོ་གིས་མི་ང་ཨིན། བྱ་ཁྱུང་ཨིན་ཟེར་ཧམ་མཐོ་དྲགས་སྦེ་སྡོད་མི་ཅིག་ཨིན་རུང་ མཐའ་མཇུག་ལུ་ ཨཔ་ཁྱུང་བདུད་ཀྱིས་ཁོ་གི་སྲོག་ཐག་བསྟུམས་ད་ཞིནམ་ལས་ ཁོ་གི་ལོ་རྒྱུས་འཐེབས་མ་ཐོན་པས། ཁོ་གི་དངོས་སུ་འབད་མི་ཚུ་ ད་རེས་ལོ་རྒྱུས་ཅིག་ལས་བརྒལ་ཏེ་མེད་རུང་ དེ་གིས་རང་གི་རིག་པ་གོང་འཕེལ་ལུ་ཕན་ཐོགས་དོ་ཡོདཔ་ཨིན་མས། མི་ལ་ལུ་ཅིག་ལུ་འགོ་ལས་མཇུག་དག་སླབ་རུང་ཧ་མ་གོ་རུང་ རེམ་གཉིསམ་གིས་ ལྷམ་དཔྱ་ཅིག་སླབ་ཅིན་ རིགཔ་ཚུགས་མི་ལུ་ པའོ་ཨང་ཝང་གདུང་རྒྱས་ཀྱི་སྐྱེཝ་འདྲས་མེན་ན་ཟེར་སླབ་ནི་ཡོད་མི་དེ་ཡང་ ཁོ་མི་ཟིལ་བཟུམ་ཡོད་ནི་འདི་གིས་ཨིན་མས་པས་གོ། ཁོ་གི་སྲུང་མང་ཤོས་ར་རྒོད་བྲ་སི་སི་ཙང་ཙ་ཡོདཔ་ཨིན་རུང་ རྒན་ཤོས་ཚུ་ཁ་ས་ཡིས་བཅད་པའི་བསྒང་ལས་ སྲུང་ལ་ལུ་ཅིག་ཡལ་ནིའི་ཉེན་ཁ་འདུག། དང་འདོད་ཡོད་མི་ལ་ལུ་ཅིག་གིས་ཡིགུ་ནང་བྲིས་ཏེ་ཡོད་མི་ཚུ་གཟིགས་ནིའི་ཐུགས་འདོད་ཡོད་པ་ཅིན་…

ཝང་གདུང་རྒྱས་ཀྱི་མིང་ལུ་ཁུངས་སྐྱེལ་ཐངས།

༉ ཁྱོད་ཅང་གི་བྱིསཔ་འདྲེ་འབད་རུང་། །ང་ཝང་གདུང་རྒྱས་གླེན་གོ་མེན།། ཟེར་བའི་དཔྱེ་གཏམ་སླབ་སྲོལ་ཡོད་མི་ དེ་བསྒང་ནུབ་ཕྱོགས་ལུང་ཕྱོགས་ ཝང་འགྱམ་རྡོ་ལས་ཨིན་མི་ མི་རིག་པའི་བྱི་ཅུང་འདི་ མི་ས་འོག་ལུ་ཐལ་སོ་རུང་། །གཏམ་ས་སྟེང་ལུ་ལུས་ཟེར་སླབ་དོཝ་བཟུམ་སྦེ་ ད་རེས་ནངས་པ་ཁོ་གི་མིང་ ཝང་གདུང་བརྒྱུད། ཝང་གདུང་རྒྱས། ཝང་འབྲུག་རྒྱས། ཝང་གདུང་ངེ་ཟེར་ མིང་ཐད་རི་སྦ་རི་སྦེ་སླབ་ནི་ལུ་མགོ་འཐོམས་དགོ་མི་དེ་ཡང་ ཁུངས་ལྡན་ཡིག་ཆ་ཅིག་མེད་ནི་འདི་གིས་ཨིན་མས། ཨིན་རུང་སྤུ་ན་ཁ་རྫོང་ཁག་ ཆུ་སྦུག་རྒེད་འོག་ གཡུས་ཚ་ཆུ་ཕུ་ལས་ སྐྱེས་ལོ་བདུན་བཅུ་དོན་གྲངས་ནང་ཨིན་མི་གཞས་དཔོན་དབང་ཕྱུག་གིས་ ར་ཁུངས་ཡིད་ཆེས་འདྲོངས་ཏོག་ཏོ་སྦེ་བཀལ་ནི་འདུག། གཟིགས་མིའི་གྱངས་ཁ། Post Views: 17

དར་ཁྱབ་གཏང་དགོ་པའི་ཚིག།

འགོ་ལས་མཇུག་དག། སྦྱིས་བཏགས། བོག་གོག་ཤར། ཨོམ་བཙུམ། དུ་རུམ། གོ་མེད་བརྡ་མེད། ཡང་ན་ཡེངས་ན། བབ་ཏོག་ཆུང་མས། མཐོ་མེད་ཚད་མེད། བྱིས་ཉག་ཀ། ཐལ་ལུས་ཤོར། དབུགས་དུམ། གཟིགས་མིའི་གྱངས་ཁ། Post Views: 23

ད་ལས་ཕར་གྱི་ལཱ་སྐོར།

རྫོང་ཁ་སླབ་ཐངས་སྡེ་ཚན་འགོ་བཙུགས་ཏེ་ མི་ལོ་༧ ལྷགཔ་ཅིག་སོང་པའི་ཤུལ་ལུ་ རྫོང་ཁ་སླབ་ཐངས་སྡེ་ཚན་འདི་ གྲོས་སྟོན་ལས་སྡེ་སྦེ་ བསྒྱུར་བཅོས་འབད་དགོ་མི་དེ་ཡང་ སྐབས་སུ་བབ་པའི་གཏམ། །དུས་སུ་བབ་པའི་ཆརཔ། །ཟེར་སླབ་དོཝ་བཟུམ་སྦེ་ ཧེ་མ་བ་ལྷགཔ་སྦེ་ མི་སྡེ་ལུ་ཞབས་ཏོག་ཚད་ལྡན་སྦེ་ཞུ་ཚུགས་ནི་དང་། ད་ལས་ཕར་འབད་དགོཔ་བཅའ་དགོཔ་ལེ་ཤ་ཡོད་མི་ཚུ་ གཅིག་གིས་གཅིག་ལུ་ཧེང་འཕུལ་ཏེ་མ་སྡོད་པར་ མགྱོགས་སུ་ཅིག་སྦེ་བཏགས་ས་བཀལ་ནི་ལུ་ དམིགས་གཏད་བསྐྱེད་དེ་ཨིན། ད་རེས་ནངས་པའི་གནས་སྟངས་ལུ་ཆ་དཔག་སྟེ་ལྟཝ་ད་ རྫོང་ཁ་འབྲི་ལྷག་ད་ཕྱདཔ་ད་ སླབ་ནི་འདི་འཇམ་ཏོང་ཏོ་འཚམས་ཅིག་སྦེ་བརྩིས་དོཝ་ཨིན་རུང། དབངམོ་ཚངམ་སྦེ་སླབ་མི་ཉུང་ར་ཉུང་པས། རྫོང་ཁ་ཕྱེད་དག་ཀོ་དག་སྦེ་སླབ་རུང་ དེ་འཕྲལ་ལས་བཅོས་ཁ་རྐྱབ་བྱིན་མི་ག་ཡང་མེད་ནི་འདི་གིས་ ཧེང་སྐལ་ར་ཁ་སྐད་ལུགས་ལུགས་གཞི་དར་ཁྱབ་གཏང་ནི་ལུ་གནོད་པ་བྱུངམ་ཨིན་མས། འ་ནེ་ཨིན་ནི་འདི་གིས་ ད་ལས་ཕར་རྫོང་ཁ་སླབ་ཐངས་གྲོས་སྟོན་ཞབས་ཏོག་ལས་སྡེ་གིས་ ཞབས་ཏོག་ག་ཅི་ར་ཕུལ་ནི་ཨིན་ན་འོག་ལུ་བཀོད་དེ་ཡོད། དང་འདོད་ཡོད་མི་དང་ འདིའི་ནང་ལས་གཞོན་ཅུང་ཚུ་གིས་ རྫོང་ཁ་ཕྱེད་དག་སྦེ་མིན་པ་ སྒྲ་དག་སྤུས་དག་སྦེ་སླབ་ཚུགསཔ་བཟོ་ནི། རྫོང་ཁ་ངག་གཤིས་མ་ཤེས་ཚུན་སྟོན་བྱིན་ནི།…