རྒྱང་བསྒྲགས་ཀྱི་ལས་རིམ་བཏང་ཡོདཔ།
Dzongkha Labthang
རང་ལུགས་གནམ་ལོ་མེ་བྱ་ཟླ་༧པའི་ཚེས་༢༢ སྤྱི་ཚེས་༡༢/༩/༢༠༡༧ རེས་གཟའ་ལྷགཔ་ ཕྱི་རུ་ཆུ་ཚོད་༥་༣༠ལས་༦ཚུན་ འབྲུག་རྒྱང་བསྒྲགས་རྒྱུན་ལམ་༢པའི་ནང་སྦེ་ མི་སྡེའི་བརྡ་བརྒྱུད་ཝི་ཅེཊ་ཀྱི་ཐོག་ལུ་ རྫོང་ཁ་སླབ་ཐངས་སྡེ་ཚན་གཞི་བཙུགས་དགོ་པའི་དམིགས་ཡུལ་དང་དགོས་པ་ དེ་ལས་གསུང་གྲོས་གནང་ཐངས་ཀྱི་ལམ་ལུགས་ ད་ལས་ཕར་གྱི་འཆར་གཞིའི་སྐོར་ལས་ དངོས་གསན་ལས་རིམ་ཅིག་འགོ་འདྲེན་འཐབ་པའི་སྐབས་ རྫོང་ཁ་སླབ་ཐངས་སྡེ་ཚན་གྱི་ཚོགས་ཆུང་གི་དྲུང་ཆེན་བསོད་ནམས་སྟོབས་རྒྱས་དང་ ཞིབ་འཚོལ་འགོ་དཔོན་ཅང་རྟ་མགྲིན་ཚེ་རིང་གཉིས་ཀྱིས་གྲས་ཁར་གཏོགས་ཏེ་ སྡེ་ཚན་གྱི་དམིགས་ཡུལ་དང་དགོས་པ་གི་སྐོར་ལས་གོ་བ་ཁ་གསལ་སྦེ་ འབྲུག་རྒྱལ་ཡོངས་ལུ་གསལ་བཤད་ཕུལ་ཡོད་ནི་འདི་གིས་ སྡེ་ཚན་བཟོ་དགོ་པའི་ར་ཁུངས་ཧིང་སངས་ས་སྦེ་མཁྱེན་མཁྱེནམ་འོང་།
བརྡ་བརྒྱུད་ཐོག་ལས་གསལ་བཤད་ཕུལ་དགོ་མི་དེ་ཡང་ རྫོང་ཁ་སླབ་ཐངས་སྡེ་ཚན་གྱི་སྐོར་ལས་ རྒྱལ་ཡོངས་ལུ་དར་ཁྱབ་གཏང་ཞིནམ་ལས་ སྤྱིར་བཏང་མི་མང་གིས་མཁྱེན་ཐབས་ལུ་དང་ འདིའི་ནང་ལས་གཞོན་སྐྱེས་ཆ་ཁྱབ་ཀྱིས་ དང་འདོད་བསྐྱེད་དེ་ གྲས་ཁར་གཏོགས་བཅུག་ནིའི་ཐབས་ལམ་ཅིག་ཨིན། འགྲོས་ཀྱིས་བཏང་སྟེ་ དང་ཕུ་སླབ་སྲོལ་ཡོད་པའི་རྒྱལ་ཡོངས་སྐད་ཡིག་རྫོང་ཁའི་མིང་ཚིག་ཚུ་ ག་ར་གིས་མཁྱེན་ཚུགསཔ་བཟོ་ནིའི་དམིགས་གཏད་བསྐྱེདཔ་ཨིན།
